Ditën e sotme punonjësit që punojnë në aeroportin e Vlorës bllokuan punimet për shkak se nuk kanë marrë pagat e tyre. Shkak duket se është bërë bllokimi i kantierit nga punonjësit, të cilët po protestojnë në lidhje me pagat.
“Ta dinë të qartë se si është situata. Le ta dinë që punonjësit nuk vijnë në punë”, dëgjohet të thotë njëri prej tyre.
Ndërkohë që kujtojmë se Ditën e Flamurit kanë nisur punimet për Aeroportin e ri të Vlorës. Në ceremoninë e fillimit të punimeve ka qenë të pranishëm kryeministri Edi Rama dhe biznesmeni Behgjet Pacolli, ku kompania e tij është pjesë e konsorciumit për ndërtimin e aeroportit.
Kryeministri Rama duke e konsideruar aeroportin e Vlorës si porta e tretë që po hapet nga qielli theksoi se, “mbi gjurmën e aerodromit të vjetër sot fillojmë një histori të re”.
Por ngelet për tu sqaruar se si është e mundur që një kompani e drejtuar nga biznesmeni Behgjet Pacolli ka probleme me pagesat e punëtorëve
