Policia ka arrestuar kreun e Dhomës së Tregtisë dhe Industrisë në Lezhë, Pashk Palokaj.
Urdhëri për arrestimin e tij është dhënë nga Prokuroria, pas hetimeve, në lidhje me vdekjen e një punëtori, në qershor të vitit të kaluar.
Ngjarja ndodhi në lagjen “Besëlidhja” të Lezhës, në pallatin që po ndërtonte biznesmeni.
Mbi të rëndojnë edhe akuzat e “Ndërtimit pa leje”, “Moszbatim të rregullave të sigurisë në punë” dhe “Punësim të paligjshëm”.
Kujtojmë këtu se më 16 qershor të vitit të kaluar, M.Sh., 43 vjeç ra nga skela ku po punonte dhe mori dëmtime të shumta në trup.
Ai u transportua menjëherë në spital, por humbi jetën për shkak të plagëve të marra.
