Policia ka publikuar bilancin e të arrestuarve gjatë 24 orëve të fundit. Sipas burimeve zyrtare në prangat e policisë ka rënë shtetasi me inicialet G.S., 52-vjeç i cili është i dënuar me 6 muaj burg nga Gjykata e Tiranës i cili është akuzuar për vjedhje. Në pranga ka rënë gjithashtu një 24-vjeçar me inicialet A.M., i cili akuzohet për vjedhje.
Uniformat blu kanë vënë në pranga edhe një 51-vjeçar me inicialet A.K., i cili ishte administrator i një firme ndërtimi.
Ai akuzohet për “shkelje të rregullave në punë”, pasi 55-vjeçari P. Gj., nga Kavaja, ka rënë nga lartësia teksa ishte duke punuar, e si pasojë ka ndërruar jetë.
Mësohet se materialet i kaluan Prokurorisë së Rrethit Gjyqësor Tiranë, për veprime të mëtejshme.
Njoftimi i Policisë:
Specialistët për Hetimin e Krimit Ekonomik dhe Financiar bënë ndalimin e shtetasit G. S., 52 vjeç( i kapur nga Seksioni i kërkimit) pasi Gjykata e Shkallës Parë Tiranë, e ka dënuar me 6 muaj burg, për veprën penale “Vjedhja e kryer duke shpërdoruar detyrën”.
Nga specialistët për Hetimin e Krimit në Komisariatin e Policisë Nr. 6 u bë ekzekutimi i urdhërit për shtetasin A.
M., 24 vjeç,(i kapur nga Seksioni i kërkimit) pasi Gjykata e Shkallës Parë Tiranë, e ka dënuar me 6 muaj burg, për veprën penale “Vjedhja” e kryer në bashkëpunim.
Nga specialistët për Hetimin e Krimit në Komisariatin e Policisë Nr. 1 në bashkëpunim me Komisariatin e Policisë Nr. 4 u bë kapja dhe ndalimi i shtetases R. D(S)., 49 vjeçe, pasi Gjykata e Apelit Tiranë, e ka dënuar me 10 muaj burg për vepren penale “Vjedhja” e kryer në bashkëpunim.
Po nga specialistët për Hetimin e Krimit në Komisariatin e Policisë Nr. 4 u bë arrestimi i shtetasit B. K., 31 vjeç, pasi gjatë kontrollit fizik iu gjet dhe iu sekuestrua një armë e ftohtë(thikë).
Specialistët për Hetimin e Krimit në Komisariatin e Policisë Nr. 3 bënë arrestimin në flagrancë për veprën penale “Plagosje e rëndë me dashje” të shtetasit H. V., 33 vjeç, pasi gjatë një konfliktit të çastit, për motive të dobëta, ka goditur me sende të forta shtetasin E. S., 40 vjeç, i cili ndodhet në spital, nën kujdesin e mjekëve.
Specialistët për Hetimin e Krimit në Komisariatin e Policisë Kavajë bënë arrestimin në flagrancë për veprën penale “Shkelja e rregullave të mbrojtjes në punë” të shtetasit A. K., 51 vjeç, (administratori i një firme) pasi ditën e djeshme në një pallat në ndërtim ka rënë nga lartësia punëtori P. Gj., 55 vjeç, i cili për pasojë ka humbur jetën.
Nga specialistët e Qarkullimit Rrugor u bë ekzekutimi i vendimit penal për shtetasin E. B., 28 vjeç, pasi Gjykata e Shkallës Parë Tiranë, e ka dënuar me 4 muaj burg, dhe i kanë mbetur pa vuajtur dënimin dhe 3 muaj e 25 ditë burg, për veprën penale “Drejtimi i automjeteve në mënyrë të parregullt”.
Po nga specialistët e Qarkullimit Rrugor u bë arrestimi në flagrancë i shtetasve:
- I., 48 vjeç dhe H. L., 50 vjeçe, pasi u kapën duke drejtuar mjetet përkatëse në gjendje të dehur;
- R., 32 vjeç, pasi u kap duke drejtuar mjetin pa lejen përkatëse.
Specialistët për Hetimin e Krimeve në Komisariatin e Policisë Nr. 1 kanë bërë shpalljen në kërkim për veprën penale “Plagosje e rëndë nga pakujdesia” të shtetasit D. Sh., 46 vjeç, pasi ditën e djeshme, në rrugën “Taulantia” në garazhdin në pronësi të tij aksidentalisht duke kryer manovra(ecur indietro) ka aksidentuar dy shtetas K. S dhe L. S, të cilët po qendronin të ulur në pjesën e pasme të automjetit. Punohet për kapjen e tij dhe dokumentimin e plotë të ngjarjes.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
