Policia në Sarajevë ka arrestuar Enda Paviç-Paçenkoviç, ministre e Punës dhe Politikës Sociale, për shkak të dyshimeve për punësime të paligjshme.
Arrestimi i saj është pjesë e operacionit “Zarfi”, i cili ka përfshirë edhe bastisje në zyrat e Ministrisë së Punës dhe asaj të Shkencës, Arsimit dhe Rinisë në Kantonin e Sarajevës.
Më herët, më 10 prill, në kuadër të të njëjtit operacion ishte arrestuar edhe ministrja e Shkencës, Adna Mesihoviç, e dyshuar për përfshirje në të njëjtën skemë të punësimeve të kundërligjshme.
Sipas Prokurorisë së Kantonit të Sarajevës, dy ministrat akuzohen se, përmes ndërmjetësimit të Ibrahim Obhoxhash, kanë ndikuar në punësimin e motrës së tij në Ministrinë e Punës.
Obhoxhash mban funksion në Bordin e Drejtorëve të Agjencisë së Punësimit dhe ka qenë pjesë e komisionit që drejtoi procesin e punësimit.
Ai vetë është arrestuar më 11 prill dhe dyshohet për marrje përfitimesh dhe ndikim në emërimin e drejtorit të Qendrës Studentore në Sarajevë.
