Shqipëria ka nisur që prej janarit procesin e vaksinimit anti Covid, i cili po ecën në mënyrë shumë të ngadaltë për shkak të mungesës së dozave të nevoshjme. Ditën e sotme është publikuar plani paraprak i COVAX për shpërndarjen e vaksinave AstraZeneca dhe Pfizer, që në total shkojnë deri në 1.2 milion doza.
Paraprakisht do të jenë 240 milionë doza të prodhuara nga kompania AstraZeneca, si dhe 60 milionë të tjera nëpërmjet Gavi që do të jepen deri në qershor për dhjetëra vende, mes tyre edhe Shqipëria dhe Kosova. Në dokumenin e publikuar shihet se vendi ynë është planifikuar që të përfitojë nga COVAX 141 mijë e 600 doza të vaksinës së AstraZeneca. Ndërkohë për Kosovën janë planifikuar të shpërndahen 100 mijë e 800 doza, po të AstraZeneca.
Vendi ynë ka nisur procesin e vaksinimit në 11 janar me mjeken Najada Çomo që u vaksinua e para dhe pas saj kryeministri Rama. Pak ditë më parë në vendin tonë erdhën 1170 doza të vaksiës Pfizer të cilat u pritën me ceremoni të veçantë nga Edi Rama. Nuk mund ta imagjinojmë se si do të priten më shumë se 100 mijë doza, kur aq pak u pritën me shumë bujë, ndërkohë që ishin vetëm doza e dytë e vaksinave që u injektuan në fillim.
