Prokuroria e Tiranës ka kërkuar ditën e sotme 20 vite burg për efektivin Nevaldo Hajdaraj. Sipas prokurorisë vrasja është kryer me dashje. Ndërkohë prezent në sallë e gjyqit ka qenë edhe babai i Klodian Rashës, Qazim Rasha. Duke pasur parasysh gjykimin e shkurtuar, i cili është pranuar, efektivit të policisë do ti ulet 1/3 e dënimit, duke marrë një dënim 13 vite e 4 muaj burg, në rast se pretenca do të pranohet nga Gjykata.
Ndërkohë TCH në ditën e pretencës nga prokuroria që kërkoi 20 vite burg për Nevaldo Hajdarin ka arritur të siguroj pamjet e vrasjes së Klodian Rashës.
Këto nuk janë momente për klikimet që shuajnë kuriozitetin, por momente reflektimi për të vlerësuar se sa afër është jeta me vdekjen, liria dhe të drejtat e njeriut me shtetin policor.
Gjithçka ndodh për pak sekonda, pasi dy oficerë i kërkuan Klodianit të ndalojë. Ky është polici nën akuzë që në orën 2:2 minuta të mesnatës kalon rrugën.
Klodiani është në trotuar. Polici tenton ta kapë por Klodiani vrapon. Polici rrëzohet, aty ulet në gjunjë dhe e qëllon mbas shpine Klodianin. Mbas të shtënave Klodiani vrapon edhe tre hapa e rrëzohet.
Polici i afrohet dhe mbas tij dhe kolegu, ndërsa shfaqen në radio. Për pak sekonda Klodiani jep shpirt.
Mbas vrasjes së Klodian Rashës vendi u përfshi në protesta, që kërkonin drejtësi për Klodianin dhe që u mbyllën me dorëheqjen e ministrit të brendshëm Sandër Lleshaj.
Kujtojmë se ngjarja e rëndë ndodhi rreth orës 01:45 të datës 8 dhjetor 2020, në rrugën “Dritan Hoxha” në Tiranë, një patrullë policie përpiqet të ndalojë një të ri 25 vjeçar, pasi po kryente veprime të dyshimta si dhe kishte shkelur Aktin Normativ për ndalimin e lëvizjes pas orës 22:00 për shkak të pandemisë së COVID-19. I riu, Klodian Rasha, nuk iu bind urdhrit të policisë për të ndaluar dhe u largua me vrap
