Gareth Southgate nuk mund t’i përfshinte të gjithë lojtarët në ekip për Euro 2024. Jadon Sancho dhe Marcus Rashford nuk janë përzgjedhur në listën paraprake.
Në listën përfundimtare prej 26 lojtarësh mungojnë edhe figura të njohura si Harry Maguire (i dëmtuar), James Maddison dhe Jack Grealish. Southgate shprehu keqardhje që nuk mund t’i përfshinte mesfushorin e Tottenhamit dhe sulmuesin anësor të Manchester Cityt, duke theksuar rëndësinë e tyre për ekipin.
Harry Maguire, i cili nuk u thirr për shkak të një dëmtimi në pulpë, tha se ishte i shkatërruar. Ai shprehu dëshirën e tij për të përfaqësuar Anglinë dhe premtoi se do të mbështesë skuadrën si tifoz. Mbrojtësi do të kthehet tek stafi mjekësor i Manchester United për t’u përgatitur për sezonin e ardhshëm.
