Vijojnë përplasjet qeveri-Presidencë teksa akuzat mes palëve shtohen çdo ditë.
Me anë të një statusi në Facebook, këshilltari për Media i Taulant Ballës, Besian Ajazi, i është përgjigjur zëdhënësit të Presidentit, Tedi Blushi.
Ajazi ka publikuar një foto të presidentit Meta, për të cilën pretendon se është shkrepur në resortin “Golden”.
Ky resort është në pronësi të Altin Hajrit dhe është përdorur për mbajtjen e trupit të Jani Prengës, pasi ai ishte rrëmbyer dhe vrarë.
Gjithashtu, është sekuestruar nga SPAK në kuadër të ligjit “Anti-KÇK”.
Rrëmbimi dhe vrasja e Jan Prengës, Altin Hajrit i sekuestrohet pasuria
“Më vjen keq për gjuhën që përdor në mënyrë të vazhdueshme zëdhënësi i Presidentit, ish-kolegu im Tedi Blushi dhe shpërdorimin e tij nga ana e Presidentit apo kushdo që i shkruan. Zoti President nëse sjellja juaj në këto kohë vjen nga dhimbjet që po shkakton OFL në botën e krimit atëherë po të themi mirë është të mos merresh me Hajrin se nuk ke për të bërë kurrë hajër. P.s. Foto e Presidentit Ilir Meta në Vilën “Golden” në Shijak, e sekuestruar nga OFL, në pronësi të grupit kriminal “Hajri’“, shkruan Ajazi në emër të Ballës.
Por, sikundër e dimë tashmë Blushi është shumë i shpejtë në kundërpërgjigjet e tij dhe “e mbron” shumë mirë eprorin.
Me anë të një statusi në Facebook, Tedi Blushi e fton Ajazin që të dërgojë foton në SPAK, por bashkë me foton duhet çuar në SPAK dhe një bisedë e freskët tek zyra e një ministre, për t’i ekstraduar vëllain nga Itali në Shqipëri.
“Ciu Ciu Tao Tao!
Sa për foton, bie erë inceneratorësh kjo flluskë e mjerë!
Por mos humb më asnjë sekondë!
Çoje direkt drejt SPAK-ut ta sqarojnë ata, meqë u jep edhe direktiva publike!
Bashkë me të edhe bisedën e freskët tek zyra e një ministreshe të famshme për t’i ekstraduar të vëllanë nga Italia në Shqipëri! Publikoje më mirë vetë bisedën!
Bashkë me to tregoi SPAK-ut edhe shokët e motrës!
Bëj durim Tao se nuk do gjesh as ti vrimë ku të futesh!
DËGJOJE prapë SOVRANIN dhe bëj durim! Me qetësi dhe drejtësi!”- shkruan Blushi.
Kujtojmë se gjatë ditës së sotme ka pasur një tjetër replikë mes Tedi Blushit dhe Taulant Ballës, pasi ky i fundit në një deklaratë për mediat tha se Meta “i vjen anës Parlamentit” e nuk e shpërndanë dot.
Kurse Blushi iu përgjigj duke i thënë që të dëgjonte zërin e popullit dhe jo të Bablokut, referuar Ramës.
