Më 28 shkurt të 2018-ës në portin e Durrësit, brenda në kontenierët me banane që vinin nga Kolumbia, u gjetën të fshehura 613 kg kokainë, në magazinat e firmës ‘Arbri Garden’.
Të arrestuar për këtë sasi rekord janë edhe Armando Pezaku shoferi i kamionit dhe Donaldo Lushaj, menaxheri i kompanisë, për të cilët Prokuroria ka kërkuar përkatësisht 13 dhe 14 vite burg.
Në emisionin e fundit të “Unpulished” u publikuan pamjet e arrestimit të Donaldo Lushaj dhe Armndo Pezakut.Në pamje duket qartë se operacioni ka qenë i mirëmenduar dhe policia nuk ka pasur vështirësi në neutralizimin e punëtorëve, të cilët sapo kishin filluar të shkarkonin bananet. I gjithë aksioni është ndjekur nga prokurori Edvin Kondili dhe drejtori i policisë së shtetit Ardi Veliu.
Unpulished zhvilloi një intervistë telefonike me Abër Çekajn, personi i cili sipas prokurorisë është organizatori i trafikut dhe krijuesi i grupit kriminal.
Porkuroria ka kërkuar dënimin me 21 vite burg, për pronarin e magazinës i cili akuzohet si krijuesini grupit kriminal.Nga burgu 313 ku ndodhet, ai mohoi provat e prokurorisë duke pretenduar se operacioni është dekonspiruar për të fshehur trafikantët e vërtetë.
“Unë nuk e di se cilin peshk të madh ka kapur drejtësia shqiptare në këto 30 vitet e fundit me thënë të drejtën. Sepse sot ata po lundrojnë të qetë, sot edhe në të gjitha ditët janë në bregdetet shqiptare, janë në bregdetet e Evropës ose janë në oqean. Unë nuk kam asnjë lidhje me peshkun, unë edhe në shenjën time jam dashi, nuk kam lidhje fare, jam nga Tropoja, nuk kam lidhje me jugun e Shqipërisë ku ka shumë det. Por problem është këtu nuk kam asnjë lidhje me drogën, asnjë lidhje me peshqit, asnjë lidhje me bretkosat. Kjo është një show mediatik i bërë nga mediat afër prokurorisë për të njollosur emrin tim edhe të familjes sime dhe për të mbrojtur trafikantët e vërtetë të cilët punojnë akoma edhe sot,” – shprehet Çekaj.
