Publikohen fotot, ja si do jenë banesat e reja për të prekurit nga tërmeti

Google+ Pinterest LinkedIn Tumblr +

27 miliardë lekë do të jetë fondi buxhetor për financimin e pasojave të tërmetit të 26 nëntorit.

Nga kjo shumë 20 miliardë lekë janë fonde që do të rrjedhin nga buxheti i këtij viti, 5 miliardë lekë janë financime që do të ndahen në buxhetin e vitit 2021 dhe 2 miliardë lekë janë financime që do të akordohen në vitin 2022.

Po ashtu, Bashkimi Europian do të organizojë Konferencën e Donatorëve ndërkombëtarë më 17 shkurt në Bruksel për të mbështetur përpjekjet e rindërtimit në vendin tonë.

Në këtë konferencë do të marrin pjesë vendet e BE, partnerët e Ballkanit Perëndimor dhe përfaqësues të shtetve të tjera.

Mbrëmjen e sotme, Ministri i Rindërtimit Arben Ahmetaj ka postuar në Facebook projektet e banesave që do të ndërtohen për familjet e prekura nga tërmeti shkatërrimtar i 26 nëntorit.

Banesat individuale do të jenë në tre modele 1+1, 2+1 dhe 3+1 në varësi të sipërfaqes.

Këto janë tre projektet e modeleve të banesave individuale, varësisht sipas sipërfaqes 1+1; 2+1 dhe 3+1”, njofton Ahmetaj.

Por, pavarësisht të gjitha ndërhyrjeve dhe buxhetit të vënë në dispozicion të të prekurve nga tërmeti, situata paraqitet ende kaotike.

Shumë persona janë të pastrehë dhe nuk kanë përfituar bonueset e qirave, ndërsa ka edhe nga ata që u janë rikthyer banesave të dëmtuara.

Shpërndaje
Share.

Komento