Kombëtarja Shqiptare do të luajë sot sfidën e radhës për kualifikueset e Botërorit “Katar 2022”, përballë San Marinos. Thuajse një orë para fillimit të ndeshjes, janë publikuar edhe formacionet zyrtare të dy ekipeve, ndërsa synimi i vetëm i kuqezinjve është fitorja.
Trajneri Edi Reja ka zgjedhur një formacion në dukje 5-2-3, por që nga direktivat kthehet në 3-4-3.
Rey Manaj do të udhëheqë sulmin kuqezi, i ndihmuar nga krahët nga Uzuni dhe Laci. Ish-lojtari i Barcelonës do të mbajë mbi shpinë numrin 10 për këtë ndeshje.
Ndrshimi i vetëm në mbrojtje është Mihaj, i cili do të luajë në vend të Ismajlit që këtë ndeshje do e fillojë nga stoli. Në krahun e djathtë është si zakonisht kapiteni Elseid Hysaj, ndërsa në të majtë do të luajë Trashi.
SHQIPËRI: Strakosha, Mihaj, Kumbulla, Gjimshiti, Hysaj, Trashi, Bare, Laçi, Bajrami, Uzuni, Manaj. Trajner: Edi Reja.
SAN MARINO: Benedetini, Broli, Fabri, Manuel Batistini, Palaci, Gandoni, Hirsh, Tomazini, Golinuçi, A.Golinuçi, Nani. Trajner: Franko Varrela.
Kujtojmë se në ndeshjen e fundit ndaj Hungarisë, Shqipëria arriti të merrte tre pikë me golin e vetëm të Armando Brojas. Ndërkohë, San Marino vjen nga humbja e thellë ndaj Polonisë me rezultatin 7-1. Shqipëria ndodhet në vendin e tretë me 9 pikë, në grupin I që kryesohet nga Anglia.
