Janë publikuar datat e provimeve të Maturës Shtetërore për vitin 2025, për nxënësit që ndjekin arsimin e përgjithshëm dhe atë profesional.
Provimet do të zhvillohen në këto data:
• 3 qershor: Gjuha e Huaj
• 10 qershor: Gjuha Shqipe dhe Letërsia
• 17 qershor: Matematika
• 24 qershor: Provimi me Zgjedhje
Provimi me zgjedhje përfshin një gamë të gjerë lëndësh, përfshirë: Kimia, Fizika, Biologjia, Historia, Gjeografia, Psikologjia, Filozofia, Sociologjia, Ekonomia, Histori Arti, Histori Muzike, dhe Histori Baleti.
Të gjitha provimet do të fillojnë në orën 10:00 dhe do të zgjasin 2 orë e 30 minuta. Testet model janë shpërndarë më herët në shkolla për t’i orientuar maturantët dhe për t’i ndihmuar në përgatitjen e tyre.
Qendra e Shërbimeve Arsimore (QSHA) do të menaxhojë hartimin, administrimin dhe vlerësimin e testeve, duke siguruar transparencë dhe korrektësi.
