Në Shqipëri kanë mbërritur tashmë 192 mijë dozat e para të vaksinës kineze Coronavac, ndërsa brenda dy muajsh pritet të vijnë 1 milionë doza të tjera. Po ashtu më herët kanë mbërritur edhe 10 mijë dozat e para të vaksinës ruse Sputnik V.
Pranimi i vaksinave ruse e kineze nga Shqipëria ishte një kthesë e papritur, pasi oferëtn e Ambasabës Ruse për vaksinat Sputnik V kryeministri Rama e kishte quajtur një provokim. Ai kishte thënë se Shqipëria do të merrte vaksina vetëm nga perëndimi dhe nuk do të pranonte vaksina që nuk ishin të certifikuara nga OBSH.
Në të njëjtën linjë kishte qëndruar çdo zyrtar publik i Shëndetësisë, mes tyre edhe kreu i Urgjencës Kombëtare, Skënder Brataj. Në emisionin “Open” Brataj kishte thënë se si specialist nuk do të pranonte ta bënte vaksinën ruse apo kineze pasi për to nuk ka të dhëna shkencore që t’i kenë kaluar të treja fazat.
Pjesë nga debati në studio:
Artan Koni: Rajoni përfshirë Turqinë, merr vaksinën ruse dhe kineze.
Skënder Brataj: Atëherë si shpjegohet që këto vende ka vaksinuar 2.8% të popullsisë së tyre. Rusia ka qenë e para. Unë nuk di asnjë gjë për vaksinën kineze dhe ruse. Unë si specialist nuk e bëj.
Artan Koni: Patjetër
Skënder Brataj: Dua të dhëna shkencore që i ka kaluar në të treja fazat.
Artan Koni: Keni të drejtë që Turqia dhe Serbia po ia fusin kot.
Skënder Brataj: Serbia është filo-ruse.
Por me sa duket Brataj ka ndryshuar totalisht mendim për vaksinën kineze. Në Abc News ai ka thënë se vaksina kineze është shumë efikase dhe se shtetet që e kanë miratuar kanë të dhëna për këtë.
“Përsa i përket efikasitetit ndaj Covid është rreth 78 % . E rëndësishme është që në këtë fazë të pandemisë është që të vaksinohen sa më shumë njerëz për të parandaluar sa më shumë humbjen e jetëve të njerëzve dhe formave të rënda. Të gjithë vaksinat janë të bazuar në Sars Covid 2 e parë kemi bërë një vit që kemi kaluar nga pandemia dhe vetë vaksina në fund të dhjetorit ka dalë për njerëzit, ndërsa provat e saj kanë filluar që në vjeshte. Qëllimi i vaksinave po ta marrësh nga ana biologjike është virusi i dobësuar, ndërsa në rastet e tjera kur proteinat e ngjashme dhe si efikasitet është kinezja. Praktikisht katër vaksinat që janë në përdorim janë efikase. Mes tyre dhe vaksina kineze është shumë efikase. Siguria merret te rezultatet që përdorimi i vaksinës kineze ka dhënë në 22 shtete, ajo ruse në 44 ndërsa dy të tjerat kanë një përdorim më të gjerë. Ne u referohemi rezultateve që vijnë nga Brazili, Indonezia dhe nga vendet e tjera por të gjithë këto shtete që kanë aplikuar kanë dhe të dhënat në lidhje me këtë efikasitet. Nuk ka efekte anësore, dhe nuk ka asnjë rezultat në lidhje me faktin se nëse bën një vaksinë ka dhe humbje jete. Bota e pasur ekonomia dhe shkenca u drejtuan diku dhe prodhuan një vaksinë. Janë bërë prova ndër vite dhe është dhënë dhe rezultati për këto vaksina dhe kanë rezultuar efikase. As EMA as FDA nuk japin miratimin pa një certifikatë prodhuesi”, ka thënë Brataj.
Ndryshimi i papritur i qëndrimit të Bratajt me shumë mundësi do të ketë ardhur pasi ai ka lexuar e ka mbledhur të dhëna shkencore që e vërtetojnë efikasitetin e vaksinave, ndryshe ai si specialist nuk do të bënte deklarata të tilla. Brataj dhe çdokush tjetër ka të drejtë të mbajë secilin nga dy qëndrimet për vaksinat ruse e kineze, por si një figurë publike që është, nuk është etike që të ndryshojë mendim “nga fryn era” e të ngatërrojë edhe njerëzit me deklaratat. Megjithatë, lajm i mirë është nisja e vaksinimit masiv së shpejti, me shpresën që Brataj të mos ndryshoj mendim kaq shpejt për ndonjë zhvillim të ri.
