Ulja e pagës për grupin e mësuesve dhe mungesa e një zgjidhjeje nga Ministria e Arsimit ka shtuar shqetësimin për një grevë të mundshme.
Rreth 6,500 mësues dhe edukatorë në të gjithë Shqipërinë janë prekur nga ulja e pagës, ndërsa rreth 350 prej tyre janë në qarkun e Korçës.
Pavarësisht takimeve të zhvilluara deri tani mes Sindikatës së Pavarur të Arsimit dhe Ministrisë së Arsimit, nuk është arritur ende një marrëveshje, duke i dhënë mësuesve arsye për të shqetësuar mbi mundësinë e një greve.
Kreu i Sindikatës së Mësuesve në Korçë theksoi se situata ka vazhduar që prej muajit qershor dhe, pas dy takimeve të zhvilluara, nuk është arritur ende një zgjidhje.
Ai shtoi se 31 marsi është afati i fundit që sindikata i ka dhënë Ministrisë së Arsimit për të adresuar këtë çështje.
