Eksperti për çështjet e sigurisë, Fatjon Softa, ka deklaruar se larjet e hesapeve ndër grupe kriminale po ndodhin në Belgjikë, ndërsa ka shpjeguar arsyen e vizitës së prokurores belge në Tiranë.
Ai theksoi se Belgjika është një nga vendet kryesore ku është zbërthyer aplikacioni Sky Enchrochat, i cili ka dhënë informacione të rëndësishme për SPAK-un, duke ndihmuar në zbardhjen e përgjimeve dhe krijimin e procedimeve ndaj grupeve kriminale.
Ai përmendi se Shqipëria dhe Belgjika kanë ngritur grupe të përbashkëta hetimore për të luftuar krimin e organizuar dhe pastrimin e parave.
Softa shtoi se Shqipëria është bërë një pikë e rëndësishme për pastrim parash dhe se ka një bashkëpunim të ngushtë midis dy vendeve për të luftuar aktivitetet kriminale që lidhen me bandat dhe grupet ndërkombëtare, veçanërisht në Belgjikë dhe në territoret ku ato operojnë.
