Ervin Salianji, kryetari i Komisionit Hetimor Parlamentar për rrjedhjen e të dhënave nga sistemi TIMS ka bërë një denoncim në nisje të këtij komisioni mesditën e kësaj të hëne. Salianji u shpreh se mazhoranca është e frikësuar nga ky hetim, nisur nga fakti që zhvendosën drejtorët nga falsifikimi i provave dhe protokolleve në Policinë e Shtetit.
Ervin Salianji: Ju jeni të shqetësuar dhe e tregoni këtë që nga zhvendosja e drejtorëve që po bëni te Drejtoria e Informacioni të Klasifikuar, nga falsifikimi i provave dhe protokolleve në Policinë e Shtetit. Ju jeni të shqetësuar. Po të doni të bëni spektakël e kthejmë mo, por nuk është faji im që ju thoni paskemi patur lajthitje ne dhe pse ti kape lajthitjen tonë. Zotëri, këtu ka vetëm një gjë dhe plani paraprak ka dalë në media dy ditë pas ju është shpërndarë ju. Iu ricitoj tani, unë mendoj thotë anëtarja e këtij komisioni Blerina Gjylameti unë mendoj se duhet të thërrasin edhe zotin Sali Berisha, ish-kryeministër, edhe zotin Lulzim Basha ish-ministër i Brendshëm sepse ka të bëjë me TIMS-in. Tani ça t’ju them unë? Ju ka ardhur me email plani paraprak i hetimit nga Sekretaria e hetimit që në datën 5 prill.
