Partia Socialiste ashtu si paralajmëroi edhe një ditë më parë ka miratuar te “Ligjet”, kërkesën për shkarkimin e Presidentit të Republikës, Ilir Meta. Më herët Kreu i Shtetit në përgjigje për Komisionin e Ligjeve ishte shprehur i gatshëm të paraqitej në seancë në datën 10 maj, duke deklaruar se nuk mund të anulonte axhendën e ditës së sotme.
Presidenti Meta ditëne sotme ka zhvilluar një takim me Ministren Federale për Çështjet e Bashkimit evropian, znj.Karoline Edtstadler.
Me anë të një njoftimi për mediat Meta ka thënë se ishte një kënaqësi dhe se e vlerëson miqësinë e hershme mes dy vendeve tona dhe mbështetjes së pakursyer të Austrisë. Gjithashtu ai ka theksuar se sfida më e madhe në këtë proces është zbatimi i kritereve të Kopenhagenit.
“Kënaqësi të takohesha me Ministren Federale për Çështjet e BE dhe Kushtetutën të Republikës së Austrisë, znj.Karoline Edtstadler. Vlerësova miqësinë e hershme mes dy vendeve tona dhe mbështetjen e pakursyer të Austrisë, si në marrëdhëniet dypalëshe ashtu edhe ndaj procesit të integrimit europian.
Theksova se sfida jonë më e madhe në këtë proces është zbatimi i Kritereve të Kopenhagës, kyç jo vetëm për përparimin e Shqipërisë me negociatat e anëtarësimit, por veçanërisht për të motivuar të rinjtë, që të ndërtojnë të ardhmen e tyre europiane në vendin tonë”,ka shkruar Presidenca.
