Sekretari i Partisë Demokratike për çështjet zgjedhore, Ivi Kaso, ka dalë në një deklaratë për mediat ditën e sotme se PD pritet të ndërmarrë masa në lidhje me parregullsitë e shumta të raportuara gjatë fushatës zgjedhore dhe gjatë procesit të numërimit.
Ai ka thënë se në një mënyrë ose tjetër do të ketë rinumërim të votave në qarqet ku parregullsitë kanë qenë të shumta. Ndër të tjera, ai shtoi se PD ka përgatitur raporte të hollësishme, të cilat sipas tij i ka dorëzuar edhe tek ndërkombëtarët.
Deklarata për mediat e Ivi Kasos:
Zonat më problematike ju e dini se e keni ndjekur vetë, kanë qenë ato ku është përqenduar e gjithë fuqia e makinerisë shtetërore dhe zona ku ka pasur gjithmonë elemnte të kriminaliteit si ajo e Elbasanit dhe e Shijakut. Materialet që ne po nxjerrim dhe do të paraqiten në institucionet ligjzbatues, besojmë që cojnë në rinumërimin e një numri të caktuar votash. Sigurisht që të gjitha hetohen edhe nga organe të KQZ. Besoj se në një mënyrë apo tjetër, do të garantohet rinumërimi i një numri të caktuar votash. Rinumërimi do të kryhet në rang qarku dhe do të ketë disa të tilla. Ka qenë një praktikë e konsoliduar që gjetjet tona gjatë procesit zgjedhor i ndajmë me partnerë të tjerë ndërkombëtarë. Rasti i dosjes 184, rasti i Dibrës, që u përgatit dhe u dorëzuar faktorit ndërkombëtar.
