Një tjetër protestë është zhvilluar në Fier, por këtë herë ka qenë nga banorët e fshatit Mbrostar.
Banorët janë mbledhur për të ngritur zërin kundër Bypass-it të Fierit, i cili sipas tyre iu bllokon rrugën për në shtëpi dhe njëkohësisht bllokon edhe kalimin e zjarrfikëseve dhe ambulancave në rast rreziku.
Mirëpo i gjendur para kësaj situate ka reaguar vetë Autoriteti Rrugor Shqiptar, ku përmes një postimi në rrjetin social, Facebook, ka thëën se pranë kilometrit të parë ku po ndërtohet ky By-Pass tashmë ka përfunduar. Për më tepër sipas tyre është ndërtyar edhe një nënkalim dhe ndërtimi i tyre ndërpret vetëm njërën nga daljet në rrugën kombëtare, ndërkohë që pjesa e mbetur e rrugës është e hapur.
Ndërkohë sipas ARRSH-së deri më tani asnjë nga banorët nuk është izoluar, përkundrazi kanë pasur akses në rrugën kombëtare normalisht.
Njoftimi i plotë i ARRSH
Lidhur me problematikën e ngritur sot në media ku u pasqyrua se në lagjen Mbrostar -Ura disa banore izolohen nga ndërtimi i By-Pass Fier informojmë të gjithë të interesuarit, se pranë Km. 1 të këtij ptojekti, dhe pikërisht në Lagjen Mbrostar, nënkalim tashmë i ndërtuar sipas projektit të miratuar, është funksional dhe në përdorim të banorëve (jo m shumë se 10 banesa) të cilët më parë kanë pasur akses në dy dalje me rrugën kombëtare Lushnje-Fier nëpërmjet aksesit me rrugë të shtruar me cakëll.
Aktualisht ndërtimi i By-Pass Fier ndërpret vetëm njërën nga daljet në rrugën kombëtare ndërkohë që dalja tjetër është funksionale.
ARRSH dhe kontraktorët janë duke studiuar mundësinë për të bërë edhe një rakordim në pjesën që është ndërprerë nga projekti, por për shkak të kthesës dhe diferncës në nivel të rrugës nuk garantohet siguria maksimale për mjetet.
Dëshirojmë të ritheksojme se aktualisht të gjithë banorët kanë akses në rrugën kombëtare, dhe askush nuk është i izoluar.
