Ditën e sotme rreth 150 qytetarë në Durrës janë duke protestuar para bashkisë së këtij qyteti për dëmet e shkaktuara nga tërmeti i 26 nëntorit. Të revoltuar nga padrejtësia që po u bëjnë, duke i hequr nga listat e dëmshpërblimeve ata kanë përotestuar pasi pretendojnë se i kanë dokumentat e rregullta për dëmet e shkaktuara. Këshilli Bashkiak i Durrësit miratoi të enjten listat e përfituesve teksa në korrik fillon dhënia e granteve për familjet e banesave të dëmtuara në shkallën DS1, DS2, DS3.
Por duket se ka dhe qytetarë që edhe pse i kanë banesat e dëmtuara nga tërmeti, kanë ngelur jashtë listave dhe ata sot protestojnë para Bashkisë së Durrësit që nuk ka një kryebashkiak aktual, por të komanduarën, Emiriana Sako. Edhe pse kanë kaluar shtatë muaj, këtyre banorëve, sikur të mos u mjaftonte tragjedia, u duhet të ngelin lartë e poshtë në dyert e Bashkisë duke kërkuar të drejtat e tyre. Shume vende të Europës kontribuan nga ana financiare për t’u ardhur në ndihmë banorëve të Durrësit.
Durrësi së bashku me Krujën ishin zonat më të prekura nga tërmeti i 26 nëntorit, ku mijëra familje mbetën në qiell të hapur dhe 51 qytetarë humbën jetën.
