Në zonën e Bërxullës, tensionet janë të larta ndërsa gjashtë familje protestojnë kundër shembjes së shtëpive të tyre, të cilat janë të prekura nga projekti i rrugës autostradale Thuamanë-Kashar. Banorët, të cilët përfshijnë 40 persona, kanë shprehur zemërimin e tyre ndaj mungesës së dëmshpërblimeve adekuate dhe akuzojnë institucionet për mashtrim.
“Na kanë nxjerrë jashtë. Duam dëmshpërblimin ose banesa. Nuk ikim nga këtu. Kam bërë gati shishen e benzinës do të digjem këtu. Kanë dy muaj që vijnë rreth shtëpisë tonë. Shteti nuk ka marrë asnjë masë. Edhe në komisariat kur kemi shkuar na kanë përzënë,” deklaroi një nga banorët.
Protestuesit pretendojnë që vetëm ato familje që kanë paguar para janë përfshirë në skemën e dëmshpërblimeve, duke i lënë ata në një situatë të pasigurt dhe të paqartë. Të detyruar të përballen me mundësinë e humbjes së shtëpive të tyre pa një zgjidhje të pranueshme, ata kërcënojnë me veprime ekstreme për të tërhequr vëmendjen ndaj çështjes së tyre.
