Komiteti Shqiptar i Helsinkit ka zhvilluar monitorime në dy prej burgjeve të vendit, Peqin dhe Shënkoll, për të marrë ankesat e të burgosurve që po protestojnë.
Pas kontaktit me vetë të burgosurit, KShH, përmes një letre të hapur, i ka adresuar të gjitha konkluzionet te Ministria e Drejtësisë. Në burgun e Shënkollit ata kanë gjetur 80 të burgosur që kishin 3 ditë në geve urie.
Konstatuam dy raste të të burgosurve të sëmurë refuzuan të merrnin shërbimi shëndetësor të specializuar jashtë burgut, sepse duan të shmangin karantinimin. Autoritetet i fusin 2 javë në karantinë pasi kthehen nga spitali, njofton Komiteti. Njëri prej tyre, që ka hyrë në grevë, ka njoftuar autoritetet e burgut, për grevën, por autoritetet e kishin futur në izolim. Ndërkohë policët që i kanë shoqëruar nuk karantinohen. Kjo krijon situatë diskrimunuese, apelon Komiteti Shqiptar i Helsinkit.
“Komiteti Shqiptar i Helsinkit (KShH) në funksion të misionit të tij për mbrojtjen dhe garantimin e të drejtave dhe lirive të shtetasve, ka realizuar misione monitorimi në institucionet e ekzekutimit të vendimeve penale (IEVP), në dt. 02.10.2020 (IEVP Peqin) dhe në dt. 05.10.2020 (IEVP Shënkoll) . Vëzhguesit morën takim me stafin institucional, me të dënuarit si dhe verifikuan regjistra, dosje e praktika konkrete. Në përfundim të këtyre monitorimeve, KShH e ka parë të nevojshme adresimin e gjetjeve dhe konkluzioneve kryesore, nëpërmjet një letre të hapur drejtuar Ministrisë së Drejtësisë, për dijeni Drejtorisë së Përgjithshme të Burgjeve“, njofton Komiteti Shqiptar i Helsinkit.
Protesta dhe greva urie nuk ka patur vetëm në Peqin dhe Shënkoll, por edhe në burgun e Reçit dhe atë “313” në Tiranë. Protestat në burgun e Peqinit, i kushtuan shkarkimin nga detyra drejtorit të burgut të Peqinit, Bukurosh Malluta.
/GazetaReforma.com/
