Mijëra persona kanë marshuar ditën e sotme me thirrje anti-raciste në Kenosha, qytetin ku një javë më parë një afrikano-amerikan i paarmatosur u qëllua nga mbrapa disa herë me armë zjarri nga një oficer policie.
Presidenti i SHBA, Donald Trump, pas protestave të dhunshme anti-raciste, ka bërë me dije se do të vizitojë qytetin e Kenoshës.
Ndërkohë babai i afrikano-amerikanit Jacob Blake, i cili u qëllua me armë zjarri nga policia, i ka bërë thirrje protestuesve që të ndalin dhunën.
“Njerëzit e mirë të këtij qyteti e kuptojnë se nëse shkatërrojmë nuk kemi asgjë”, ka thënë ai gjatë një tubimi në mbështetje të djalit të tij.
Plagosja me shtatë plumba e Blake në sytë e tre fëmijëve të tij, bëri që të shpërthenin trazira në qytet, pikërisht në kohën kur SHBA-ja është përballur me protesta të dhunshme kundër racizmit dhe brutalitetit policor.
29-vjeçari Jacob Blake, 29 vjeç, u qëllua shtatë herë në kurriz nga një oficer policie në Kenosha, më 23 gusht.
Incidenti i cili u filmua dhe u bë viral në rrjetet sociale, shkaktoi protesta të dhunshme kundër racizmit në qytetin me 100,000 banorë të Kenoshas.
Gjatë protestave dy persona u qëlluan për vdekje ndërsa një tjetër është plagosur. Ndërkohë edhe një minoren 17-vjeçar është arrestuar në protest me akuzat për vrasje të një protestuesi.
Ndërkohë 29-vjeçari Blake ka arritur që t’i mbijetojë plumbave, por ka mbetur i paralizuar. Tashmë ai është duke u trajtuar në spital.
Sakaq, tre oficerët e policisë të përfshirë në incidentin me Jacob Blake, janë pezulluar nga puna.
29-vjeçari Blake do të marrë pjesë përmes një video-konference në gjykimin ndaj tre oficerëve, që pritet të ndodhë javën e ardhshme.
