Franca nuk po gjen qetësi me protestat e njëpasnjëshme. Prej 2 ditësh tashmë qytetarët francez janë ngritur në protestë ka pasur dhe trazira, pas vrasjes fatale të një djali 17-vjeçar nga një oficer gjatë ndalimit të trafikut. Qeveria franceze ka njoftuar vendosjen e 40,000 oficerëve të tjerë të policisë në të gjithë vendin.
Ministri i Brendshëm Gerald Darmanin deklaroi: “Shteti duhet të jetë i fuqishëm në reagimin e tij. Sonte do të mobilizohen 40,000 policë, duke përfshirë 5,000 në rajonin e Parisit, krahasuar me 9,000 dje.
Kjo ndodh në të njëjtën kohë kur oficeri po hetohet për “vrasje vullnetare”, sipas Pascal Prache, prokurori publik i Nanterres, ku ndodhi incidenti dhe provokoi protesta të dhunshme në të gjithë vendin.
Adoleshenti, i cili u qëllua me armë zjarri dhe ndërroi jetë në vendngjarje, do të jetë në qendër të një hetimi të drejtuar nga dy magjistratë.
Në një konferencë për shtyp të enjten, prokurori deklaroi se “kërkesat për përdorimin e ligjshëm të armës nuk janë plotësuar”, duke shtuar se ka kërkuar ndalimin e oficerit.
Pas natës së dytë të protestave në përgjigje të atentatit, të paktën 150 persona janë arrestuar në Francë.
Të mërkurën, pati më shumë dhunë në lagjen Nanterre të Parisit, ndërsa demonstruesit dogjën automjetet dhe hodhën fishekzjarre ndaj policisë.
