Nëse ditën e djeshme ka qenë presidenti Meta ai që iu ka bërë thirrje palëve për reflektim, ditën e sotme nga Kuvendi ka qenë depuetja socialiste Evis Kushi.
Kushi edhe një herë tjetër ka bërë thirrje për ndërgjegjësim dhe qetësim të situatës dhe protestave të dhunshme, kjo sepse sipas saj gjithçka ndikon në ekonomi.
Gjatë fjalës së saj deputetja ka thënë se protestat e dhunshme janë duke e dëmtuar vendin dhe nëse vazhdohet kështu ndikimi i parë do të jetë tek bizneset, të cilët kanë gjasa të falimentojnë.
“Dhuna është mjet i njerëzve të dobët. Edhe opozita po mundohet të fitojë përmes dhunës. Edhe Parisi pati humbje të thella në turizëm. Ne nuk mund të krahasohemi me Francën, ne kemi një ekonomi të brishtë. Nëse protestat e dhunshme do të vazhdojnë, ne do të përkeqësohemi, bizneset mund të falimentojnë dhe qytetarët do të humbasin. Liderët e opozitës duhet të ndërgjegjësohen, të pranojnë sa më shpejt ftesën për dialog”, tha Kushi.
