Ashtu siç edhe ishte parashikuar, në orën 20:00 u mbaj protesta e artistëve, këngëtarëve, instrumentistëve dhe jo vetëm para kryeministrisë.
Kjo protestë me moton “Muzika nuk vret” vjen si një kundërshtim i masave të dhëna nga qeveria ditën e sotme. Qeveria ka marrë masa të ashpra për të luftuar përhapjen e COVID-19, dhe ka vendosur të ndalojë hapjen e klubeve të natës, diskove dhe Lounge Bareve apo shërbimeve të ngjashme si në ambiente të hapura ashtu edhe në ato të mbyllura.
Në rast shkelje të këtij vendimi bizneset do të dënohen me 30 milionë lekë të vjetër gjobë dhe me pezullim të aktivitetit deri në 1 vit.
Ndërkohë policia ka shoqëruar për në Komisariat një prej artistëve dhe 1 muzikant të cilët kanë dalë sot në protestë.
(Foto të marra nga Dosja.al)
