Mijëra grekë protestuan të dielën në mesditë në disa nga qytetet më të mëdha të Greqisë për të kërkuar drejtësi pas aksidentit tragjik në Tempin, ku dy trena u përplasën më 28 shkurt 2023, duke shkaktuar vdekjen e 57 personave, përfshirë 5 shtetas shqiptarë.
Protestuesit kërkuan që të vendoset përgjegjësi ligjore për ata që kanë kontribuar në këtë tragjedi dhe një proces të ndershëm, pasi, sipas familjarëve të viktimave, qeveria po përpiqet të shmangë përgjegjësitë për aksidentin.
Më herët, autoritetet lokale kryen punime në zonën e aksidentit dhe mbuluan gjurmët e ngjarjes.
Familjarët e viktimave kanë pretenduar se njëri prej trenave transportonte ngarkesa të rrezikshme, por ky fakt është hedhur poshtë nga hekurudhat greke.
Ndërkohë, disa dhjetëra punonjës shtetërorë janë nën hetim penal në lidhje me këtë ngjarje, dhe dy dëshmitarët kryesorë kanë humbur jetën në aksidente rrugore të dyshimta.
