Protesta në Durrës, procedohen penalisht regjisori Robert Budina dhe kreu i PD-së

Google+ Pinterest LinkedIn Tumblr +

Ditën e sotme Aleanca për Mbrojtjen e Teatrit organizoi një tubim paqësor në qytetin e Durrësit, përpara Pallatit të Kulturës, ku ka ftuar qytetarët të firmosin peticionin që Teatri të bëhet sikur ishte, aty ku ishte.

Mirëpo, Policia e Durrësit ka proceduar në gjendje të lirë dy organizatorë të protestës së zhvilluar pasditen e sotme nga Aleanca për Mbrojtjen e Teatrit kundër rindërtimit të teatrit të ri.

Bëhet fjalë për  regjisorin Robert Budina dhe kreun e PD-së në Durrës Ferdinand Xhaferri.

Njoftimi i policisë:
Durrës
Procedohen në gjendje të lirë 2 organizatorë, për “Organizim dhe pjesëmarrje në manifestime dhe grumbullime të paligjshme”

Specialistët për Hetimin e Krimeve në Komisariatin e Policisë Durrës, proceduan në gjendje të lirë shtetasit:
– R.B., 56 vjeç;
– F.Xh., 56 vjeç, banues në Tiranë.
Ata, në datë 22.05.2020, rreth orës 17:30, në lagjen nr.11, Durrës, kanë organizuar tubim të paligjshëm.
Materialet i kaluan Prokurorisë së Rrethit Gjyqësor Durrës për veprime të mëtejshme.

Ndërkohë, pas tubimit në qytetin bregdetar në Tiranë ka nisur protesta e aktivistëve dhe aktorëve të Aleancës për Mbrojtjen e Teatrit, të cilët kundërshtojnë rrethimin me gardh nga Policia të vendit ku ishte Teatri.

Aleanca për Mbrojtjen e Teatrit kanë lajmëruar se peticioni për rindërtimin e Teatrit Kombëtar atje ku ishte dhe siç ishte do të shkojë në çdo qytet të Shqipërisë.

Shpërndaje
Share.

Komento