Këtë të martë, protesta studentore po merr përmasa të frikshme duke hyrë në një fazë ku masiviteti pritet të jetë akoma në rritje deri.
Studentët janë në pritje të plotësimit të kërkesave të tyre nga qeveria deri në orarin e caktuar nga vet ata, deri në orën 16:00 dhe më tutje nuk dihet se çdo ndodh.
Sakaq pritet që dhe 340 mijë persona do i bashkohen protestës studentore. Janë pikërisht Tifozët Kuq e Zi të cilët përmes një njoftimi bëjnë me dije se do u bashkohen studentëve në orën 16:00 , duke u ofruar mbeshtetjen e tyre përpara Ministrisë së Arsimit.
Përveçse do jenë të gjithë të pranishëm fizikisht, ata gjithashtu i bëjnë thirrje kujtdo që të bashkohet me ta.
“Tifozat Kuq e Zi nga të gjitha trojet etnike, kanë mbështetur me mendje e zemër kauzën e studentëve. Prandaj, sonte nga ora 16.00 bashkohemi edhe fizikisht me studentët protestues ne mbështetje të kërkesave të tyre. Bashkohu edhe ti!”, bëjnë thirrje Tifozat Kuq e Zi.
Protesta e ditës së sotme është cilësuar si protesta më masive e viteve të fundit në të cilën janë bashkuar jo vetëm studentë nga kryeqyteti dhe rrethet, por kemi edhe gjimnazistë nga shkolla të ndryshme, prindër të tyre dhe qytetarë të thjeshtë.
