Greqia është bërë vendi i radhës ku qytetarët kanë dalë në protestë kundër vaksinimeve të detyrueshme Covid-19. Policia ka përdorur gazin lotësjellës dhe ujin për të shpërndarë njerëzit që ishin mbledhur në Athinën qendrore të shtunën.
Më shumë se 4,000 njerëz u mblodhën jashtë parlamentit grek për herë të tretë këtë muaj për të kundërshtuar vaksinat e detyrueshme për disa punëtorë, të tilla si kujdesi shëndetësor dhe personeli infermieror.
Reuters raporton se një zyrtar i policisë, i cili kërkoi të mos përmendej me emër, tha se disa protestues kishin hedhur bomba benzine, duke bërë që policia të përgjigjet me gaz lotsjellës.
Sondazhet e fundit treguan se shumica e grekëve do të merrnin vaksinën kundër COVID-19 i cili ka marrë jetën 12,890 në Greqi që kur shpërtheu pandemia vitin e kaluar. Rreth 45% e një popullsie prej 11 milionnjerëzish janë të vaksinuar plotësisht.
Greqia ka urdhëruar vaksinimin e personelit të kujdesit shëndetësor dhe shtëpisë së pleqve ndërsa rastet janë rritur dhe u bëri thirrje mësuesve të shkollës të marrin vaksinën në kohë për fillimin e vitit shkollor në shtator. Gati 2500 raste u raportuan të shtunën, duke e çuar numrin e përgjithshëm të njerëzve të infektuar në 474,366.
Protesta të ngjashme ka pasur edhe në Francë e Itali, ku pa një leje shëndëtësore që tregon se personi është plotësisht i vaksinuar, askush nuk mund të hyjë në bare, restorante, kinema, stadiume, etj.
