Ashtu siç kemi lajmëruar paraditen e sotme, opozita e bashkuar ditën e nesërme do të nis një aksion në të gjithë Shqipërinë dhe pikërisht për këtë arsye kryetarja e LSI, Monika Kryemadhi është duke zhvilluar takime me kryetarët në rrethe.
Në takim Kryemadhi ka thënë se gjatë protestës që do të zhvillohet, LSI duhet të kujdeset që të jetë sa më afër qytetarëve, pasi opozita sipas saj është bashkuar kundër qeverisjes së keqe dhe varfërisë.
“Opozita është e bashkuar kundër keqqverisjes, varferisë dhe largimit të të rinjve nga vendi. Lufta kundër varferisë proriteti kryesor.Të gjithë në terren në komunikim të drejtpërdrejtë me qytetaret.”-tha Kryemadhi.
LSI-ja është kthyer zyrtarisht në aleaten e PD-së pas nënshkrimit të djeshëm të koalicionit opozitar.
