Protesta e opozitës së bashkuar po vijon dhe siç ishte paralajmëruar më herët, ajo po mbahet në mbarë vendin. Ata kanë vendosur që të protestojnë, duke bllokuar akset kryesore nacionale.
Njerëzit kanë nisur të mblidhen në aksin Durrës – Kavajë, te vendi i njohur si “Plepat”.
Përpos protestuesve, në protestë janë edhe ish-deputetët demokratë Edi Paloka, Oerd Bylykbashi, Orjola Pampuri, dhe Florion Mima.
Në protestë ndodhet kryetarja e LSI-së Monika Kryemadhi dhe Sekretari i Përgjithshëm i PD-së Gazmend Bardhi. Kryemadhi tha se zgjedhje më 30 qershor nuk do të ketë dhe se do të përshkallëzohet aksioni qytetar.
“Zgjedhje më 30 qershor nuk do të ketë. Do të përshkallëzohet aksioni qytetar. Nuk do të ndalemi për asnjë moment duke protestuar kundër kësaj qeverie,” – tha Kryemadhi.
