Lirohet sekretari organizativ i Partisë Demokratike Sahit Dollapi, ish-drejtor i UKT-së dhe CEZ-it në qeverisjen e Berishës.
Sipas burimeve të “balkanweb” theksohet se në orët e para të mëngjesit të sotëm ai është lënë i lire.
Ai u shoqërua dje para ambienteve të Parlamentit. Fillimisht atij iu kërkua nga Policia të hiqte maskën kundra gaz , por ai refuzoi dhe në tentativë për t’i ikur policisë , Dollapi u rrëzua në tokë.
Ky moment shkaktoi reagime të forta nga radhët e opozitës teksa, Lulzim Basha iu kërkoi protestuesve të shkojnë së bashku tek drejtoria e Policisë së Tiranës për të kërkuar lirimin e tij.
Gjithashtu edhe kreu i shtetit Ilir Meta apeloi për qetësi mes palëve, ndërsa i kërkoi Policisë të heqë dorë nga dhuna dhe të lejojë që Sait Dollapi të marrë ndihmën mjekësore në spital. Pas thirrjes së Metës, Sait Dollapi u dërgua në Spitalin e Traumës dhe tashmë është lënë i lirë nga Policia
Dje opozita jo parlamentare për më shumë se 7 orë protestoi.
