Tubimit që do të ndodhë para kryeministrisë sot në mesditë do i bashkohet edhe një grup i vogël banorësh të ‘Bregut të Lumit’.
Ata kanë nisur marshimin për të vijuar drejt qendrës dhe për t’u bashkuar tek kryeministria ndërsa thërrasin me megafon: “Kërkojmë djersën tonë, gjakun tonë, legalizimin dhe shpronësimin e shtëpive tona.”
Shtëpitë e banorëve preken nga projekti i zgjatimit të Bulevardit të ri.
Një prej organizatorëve të kësaj protestë, Gent Sejko tha se shqiptarë nga vende të ndryshe të botës janë bashkuar në këtë tubim paqesor.
“Jemi këtu për studentët për minatorët, naftëtarët, biznesin ish-të përndjekurit politik, pensionistët dhe për çdo shtresë që ndihet i shtypur nga ky sistem jo thjesht nga qeveria.”- u shpreh Sejko.
