Prokuroria kërkoi ditën e sotme 3 vite burg për ish-kryebashkiakun e Lezhës, Fran Frrokaj.
Ky i fundit akuzohet për tjetërsim pronash të “Rana e Hedhun” në Shëngjin.
Avokati i Frrokajt ka reaguar, duke thënë se pretenca është dhënë pa u mbështetur në prova dhe ligj, por vetëm në dyshime.
Ai bëri me dije, se do të kërkojë lirimin e klientit të tij, pasi nuk vërtetohet përgjegjësia penale e ish-kryebashkiakut.
“Sot u dha pretenca nga Organi i Akuzës i pa mbështetur në prova dhe ligj, pasi gjatë hetimit gjyqësor ka dalë se çdo pretendim i Organit të Akuzës është mbi dyshime dhe nuk vërtetohet në asnjë provë përgjegjësia penale e të mbrojturit prej nesh, zotit Fran Frrokaj. Në këto kushte ne do të kërkojmë deklarimin e pafajësisë, pasi nuk provohet se ka kryer veprën penale, për të cilën akuzohet”, tha avokati Adrian Leka.
