Policia Bashkiake e Tiranës pas kryerjes së veprimeve procedurale, ka dorëzuar në Prokurori listën me 770 objekte në të gjithë qarkun, që janë shpallur të pabanueshme.
Pjesa më e madhe e objektve janë pallate, ndërsa më e dëmtuar nga tërmeti i 26 nëntorit ka qenë Bashkia e Vorës.
Në këtë bashki pritet të shemben 371 pallate të ndërtuara para viteve 90’, 34 pallate të pas viteve 90’ dhe 194 banesa.
Ndërsa në të gjithë qarkun e Tiranës, pritet të shemben 383 pallate të ndërtuara para viteve 90’, 35 pallate të ndërtuara pas viteve 90’, 25 pallate që nuk i dihet viti i ndërtimit, 4 shkolla, 320 banesa dhe 3 objekte të tjera.
Prokuroria nëpërmjet një shkrese kërkoi nga Bashkia e Tiranës, që për godinat që kanë vendosur të prishin, të njoftohet paraprakisht ky organi i akuzës.
Objektet që do të prishen në qarkun e Tiranës
2 pallate të ndërtuara para vitit ’90 në territorin e Komisariatit nr.1, Tiranë
4 objekte, nga të cilat 2 pallate të ndërtuara para vitit ’90,
1 pallat i ndërtuar pas vitit ’90 dhe një banesë në territorin e Komisariatit nr.2, Tiranë
10 objekte, nga të cilat 1 pallat i ndërtuar para vitit ’90, 8 banesa dhe një objekt tjetër në territorin e Komisariatit nr.3, Tiranë
58 objekte, nga të cilat 2 pallate të ndërtuara para vitit ’90 dhe 56 banesa në territorin e Komisariatit nr.4, Tiranë
54 objekte banesa në territorin e Komisariatit nr.5, Tiranë
27 objekte, nga të cilat 25 pallate që nuk dihet viti i ndërtimit, 1 shkollë dhe 1 banesë në territorin e Komisariatit nr.6, Tiranë
599 objekte, nga të cilat 371 pallate të ndërtuara para vitit ’90, 34 pallate të ndërtuara pas vitit ’90 dhe 194 banesa në territorin e Komisariatit të Vorës
16 objekte, nga të cilat 5 pallate të ndërtuara para vitit ’90, 3 shkolla, 6 banesa dhe 2 objekte të tjera në territorin e Komisariatit të Kavajës
