Prokuroria ka ashpërsuar akuzën për autorin e dyshuar të vrasjes së 14-vjeçarit Martin Cani, i cili humbi jetën pas një sulmi me thikë që ndodhur disa ditë më parë, pak metra larg shkollës “Fan Noli”.
Pas plagëve të rënda, Martini u dërgua në spital, ku nuk arriti të mbijetonte.
Prokuroria ka ngritur akuza për “vrasje në rrethana cilësuese” ndaj autorit të dyshuar, një bashkëmoshatar i viktimës, dhe e ka akuzuar gjithashtu për “mbajtje pa leje të armëve të ftohta”.
Ky akt kriminal ka tronditur komunitetin dhe ka sjellë shqetësim për rritjen e dhunës mes të rinjve, ndërkohë që hetimet vazhdojnë për zbardhjen e plotë të rrethanave të ngjarjes.
