Kuvendi i Republikës së Shqipërisë, ka miratuar pak më parë në parim, buxhetin vjetor të ri të vitit 2021.
Bëhet me dije se projektbuxheti i vitit 2021 është miratuar me 87 vota pro në Kuvend, ndërsa 9 të tjera kanë qenë kundër dhe dy abstenim.
Buxheti i vitit 2020 parashikon:
– Rritje pagash për bluzat e bardha dhe mësuesit
– Paga minimale 30.000 lek
Financim masiv për Rindërtimin, Shëndetësinë, Arsimin
– Zero Taksë Fitimi për Biznesin e Vogël (Zero TVSH për BV deri në 100.000USD xhiro vjetore)
– Zero taksa për karburantin në bujqësi, etj.
Kryeministri Rama në fjalën e tij sot gjatë shqyrtimit të buxhetit, ka thënë se ai është një buxhet kuptimplot, i një force politike që nuk i ka bërë bisht krizës që goditi vendin, tërmetit të 26 nëntorit dhe pandemisë së covid-19. /GazetaReforma.com/
