Autoriteti i Kontrollit Ushqimor, ka vijuar edhe ditën e sotme me kontrollet në këtë sezon. Mësohet se janë gjobitur 6 subjekte, pasi e kryenin aktivitetin e tyre jashtë kushteve të lejuara hijeno-sanitare
AKU madje ka publikuar edhe pamje të produkteve të sekuestruara, si coca-cola, vaj ulliri dhe kruasantë të cilat ishin të skaduara.
Kontrollet e kësaj here janë përqëndruar në qytetin e Vlorës, Durrësit dhe Shkodrës.
Masa të ashpra janë marrë ndaj këtyre bizneseve, ku u janë vendosur edhe gjoba të majme prej 1.6 milion lekësh për të 6 subjektet që kanë rezultuar me probleme.
Njoftimi i plotë:
AKU GJOBIT ME 1.6 MILION LEKË 6 SUBJEKTE, BLLOKON AKTIVITETIN E NJËRIT PREJ TYRE, OPERONTE NË MUNGESË TË KUSHTEVE HIGJENO-SANITARE DHE TREGTONTE PRODUKTE TË SKADUARA
Drejtoritë Rajonale të AKU, qarku Vlorë, Durrës dhe Shkodër ushtruan kontrolle në 6 subjektet, me aktivitet “Magazina ushqimore”, “Fast-food” dhe “Tregje ambulante”, nga ku u konstatua: mungesë e kushteve higjeno-sanitare; etiketim i parregullt i produkteve; mangësi në dokumentacion (gjurmueshmëria); produkteve me afat përdorimi të kaluar.
Për shkeljet e konstatuara, AKU mori masat administrative si në vijim: 8 masa administrative “Gjobë” me vlerë totale 1.6 milion lekë për 6 subjektet; “Bllokim produkti” me destinacion asgjësimin për produket e pasigurta të konstatuara në 5 subjekte; si dhe “Bllokim aktiviteti” për një nga subjektet.
Siguria ushqimore është sfida jonë e përbashkët! #xdcaa;
