Prindërit e djalit që ishte me 14-vjeçarin Martin Cani, i cili humbi jetën pas plagëve të marra me thikë, kanë deklaruar se në vendin e ngjarjes ka qenë jo vetëm autori i dyshuar, por edhe një person tjetër më i rritur.
Pas këtyre aludimeve, policia ka dhënë një njoftim zyrtar, ku tha se nuk ka pasur person tjetër dhe se dyshohet se autori është 14-vjeçari me inicialet M.P.
Mbrëmjen e sotme, në studion e Top Story, është publikuar ekskluzivisht procesverbal i mbajtur nga oficeri pas ngjarjes.
Në këtë dokument, përveç emrit të të miturit, është përmendur edhe një person tjetër me emrin Kledion.
Ngjarja është ende nën hetim dhe ende nuk dihet se kush ose kush janë personat që morën në makinë autorin e dyshuar pas ngjarjes. Një foto e të miturit ka qarkulluar, ku ai shfaqet me plagë në dorë.
