Gjykata e Apelit të Vlorës ka vendosur të lërë në burg, Mihal Kokëdhimën, pronarin e lokalit “Panorma”.
Avokatët e tij kërkuan që klienti i tyre të gjykohej në gjendje të lirë, për shkak të problemeve me zemrën.
Sipas tyre, Kokëdhima nuk përbën më rrezik shoqëror dhe nuk mund të largohet nga vendi.
Seanca është zhvilluar mëngjesin e sotëm, pa praninë e mediave, shkruan ‘Dosja.al’.
Kujtojmë këtu se Mihal Kokëdhima terrorizoi turistët spanjollë në lokalin e tij.
Këto të fundit u larguan nga lokali i Kokëdhimës, pasi nuk u pëlqeu shërbimi.
Për këtë arsye Kokëdhima i ndoqi nga pas dhe u var në kofanon e mjetit për rreth 3 km.
Pas ngjarjes, Kokëdhima u arrestua menjëherë, ndërsa IKMT prishi lokalin e tij në Porto Palermo.
I pandehuri akuzohet për veprat penale të ‘kanosjes’ dhe ‘shkatërrimit të pronës’.
Në mediat e huaja ai mori epitete të ndryshme, si për shembull ‘Terminatori” shqiptar.
