Kryetari i Gjykatës së Lartë Xhezair Zaganjori do të dalë përballë Kolegjit të Pocaçëm të Apelit. Ka kaluar një vit nga koha kur u konfirmua në detyrë nga Komisioni i Pavarur i Kualifikimit dhe tashmë do të përballet edhe një herë me sitën e Vetingut, ku do të jepet edhe vendimi përfundimtar për të.
Ishte komisioneri publik që ankimoi vendimin në KPA, si të dyshimtë dhe jo korekt pasi sipas komisionerit, Zaganjori nuk e justifikonte pasurinë e tij.
Zaganjori u konfirmua në detyrë më 24 korrik 2018, pavarësisht problemeve me pasurinë. Komisioni i Pavarur i Kualifikimit konstatoi se Xhezair Zaganjori shmangu tatimet dhe gënjeu për pronat,
Sipas KPK, ai ka shmangur detyrimet tatimore ndaj shtetit, duke gënjyer për vlerën e pronave të regjistruara në hipotekë me vlerën e tyre reale. Pasuria e kryetarit të Gjykatës së Lartë llogaritet rreth 1 miliard lekë.
Mendohet se Zaganjori ka në pronësi një apartament 293 metra katrorë në bashkëpronësi, me vlerë 5.8 milionë që ka si burim shitjen e një apartamenti; një dyqan me vlerë 1. 4 milionë lekë nga të ardhurat personale dhe të qirasë; zyrë me sipërfaqe 15 metra katrorë, apartament 81 metra katrorë në lagjen 13, në plazhin e Durrësit, blerë në vitin 2006 për 32 mijë dollarë.
Pasaktësi u konstatuan edhe sa i takon pasurisë së bashkëshortes si dhe shkollimit të djalit në Londër. Para disa ditësh, kujtojme se në rrjetën e vetingut ngeli gjyqtari Gurali Brahimllari, ndaj edhe KPK e shkarkoi nga detyra.
