Ditën e sotme Komisioni i Pavarur i Kualifikimit ka shkarkuar nga detyra Hysen Ketën. Ky i fundit është drejtuesi i Prokurorisë së Përmetit. Trupa gjykuese tha në komision se Keta ka probleme me pasurinë.
Kujtojmë këtu se shumë prokurorë janë shkarkuar nga detyra për shkak të mosjustifikimit të pasurisë së tyre dhe deklarimeve jo të vërteta.
Një javë më parë u shkarkua nga detyra edhe Ardian Ylli, drejtuesi i Prokurorisë së Vlorës, për arsye se shumë pikëpyetje u ngritën në lidhje me pasurinë e tij.
E jo më larg se dje, Komisioni i Pavarur i Kualifikimit riktheu në shkollë Drejtuesin e Prokurorisë së Apelit, Elvin Gjokajn, pasi ka mungesë të theksuar profesionalizmi në dosjen e tij.
Me shumicë votash u vendos që prokurori Elvin Gjokaj të ndjekë sërish Shkollën e Magjistraturës, ndaj edhe KPK vendosi pezullimin e tij për një vit.
