Ministri i Ekonomisë, Kulturës dhe Inovacionit, Blendi Gonxhja, ishte i pranishëm në seancën dëgjimore në Komisioni për Edukimin dhe Mjetet e Informimit Publik, ku dha edhe lajmin se po punohet për një bibliotekë të re kombëtare.
Godina do të ngrihet pranë Gardës në Tiranë, por ministri siguroi se e vjetra nuk do të preket, por aktualisht gjendja e saj është kritike.
“Biblioteka Kombëtare e Shqipërisë është një institucion me një rëndësi të jashtëzakonshme dhe kemi një situatë kritike sa i takon kushteve të sigurisë për fondet dhe për të gjithë inventarin, thesarin që kemi në bodrumet e këtij institucioni, ku ne po punojmë për të pasur një qasje tepër kreative në kuptimin ekonomik të fjalës, një nismë të re që kemi bashkë me Bashkinë e Tiranës dhe me shoqërinë që posedon një pjesë të këtij aseti, ne të kemi një marrëveshje të re që do të na bënte që të dilnim me më shumë metra dhe me një zgjidhje përsa i përket krizës që ka kaluar biblioteka shqiptare në vite”, tha Gonxhja.
Por sa lexojnë shqiptarët?
Na kuadrin e projektit “Libri dhe Leximi-matje dhe vlerësime”, – i mbështetur nga Qendra Kombëtare e Librit dhe Leximit, organizata bëri sondazhe në grupime rastësore individësh dhe grupime lexuesish gjatë periudhës 1 tetor-3 nëntor 2023.
Përmes kësaj synohej që të vlerësohej shkalla e leximit dhe aspekte të tjera që kanë të bëjnë me shprehitë e leximit, mënyra sesi lexohet, buxhetet që shpenzojnë çdo vit lexuesit, leximi në gjuhë të ndryshme dhe ndikimi i fushatave të leximit.
18% e të anketuarve (52 persona) janë shprehur se nuk lexojnë libra. Në grupin e të intervistuarve që nuk lexojnë, 57% shprehen se nuk kanë kohë, 33% parapëlqejnë mediume të tjera si TV, gazeta apo internet, 6% nuk kanë interes dhe vetëm 2% e justifikojnë mos leximin me pamundësitë financiare.
Përmes këtij indeksi synohet që të vijnë ide apo rekomandime përmes të cilave mund të përmirësohen politikat për promovimin e librit dhe leximit ne Shqipëri.
