Po nëse ju themi se Andi dhe Tea mund të fejohen së shpejti? E dimë se janë çifti juaj i preferuar ashtu si i shumë shqiptarëve dhe le të themi se lajmi më i bukur është rrugës. Ka shumë mundësi Andi Shehu dhe Tea Trifoni të bëhen çifti i parë i Për’puthen për këtë sezon dhe i dyti pas Gerit dhe Inës, ndonëse ata u ndanë pak kohë më parë.
Ishte vetë Andi ai që ka entuzizmuar fansat me deklaratën e dhënë së fundmi në një intervistë. Ai ishte i ftuar ditën e sotme në “Live From Tirana” në Top Albania Radio ku ka folur rreth shumë të pathënave për jetën e tij.
Sa i përket Teas, Andi deklaroi se marrëdhënia e tyre jashtë kamerave është në rrugën e duhur, duke thënë me humor se i duhet ta presë gjatë poshtë shtëpisë për të shkuar në emision. Për ata që nuk e kapën, e ka me vonesat e Teas për tu bërë gati, si do vajzë tjetër.
I pyetur nëse i kanë shkëmbyer nishanet(janë fejuar), Andi tha: “Jo, nishanet nuk i kemi shkëmbyer akoma, por do t’i shkëmbejmë së shpejti!”. Duket se marrëdhënia e çiftit edhe pak dhe do të marrë finalizimin që të gjithë dashamirësit e tyre po presin.
Kujtojmë se pak javë më parë ata deklaruan se janë vetëm për njëri-tjetrin në emision dhe se do vijojnë vetëm njohjen së bashku. Për më tepër, produksioni i dha leje që të takohen dhe jashtë emisionit pa marrë konfirmimin e tyre.
