Miratimi i ligjit ‘Anti-Kap çfarë të kapësh’ ka nxitur polemika të shumta ditët e fundit.
Qeveria është shprehur e vendosur për realizim e paketës, por nga ana tjetër 12 organizata e kanë kundërshtuar atë.(Lexo këtu)
‘Fjalën’ e fundit e kanë thënë SHBA dhe BE, të cilët nëpërmjet reagimeve zyrtare kanë mbështetur qeverinë dhe zbatimin e ligjit.(Lexo këtu)
Ditën e sotme në repartin RENEA, ku është trajnuar Njësia Operacioni Forca e Ligjit, po prezantohet ligji special për masat pasurore ndaj personave të dënuar apo akuzuar për krim të organizuar.
Përveç ministrit të Brendshëm, Sandër Lleshaj, i pranishëm ka qenë edhe kryeministri Rama.
Rama ka deklaruar se me anë të paketës “Anti KÇK”, kriminelëve do u kthehet jeta në ferr.
“Atdheu për ta nuk mund të jetë sheshi për të ekspozuar jetën e tyre luksoze mjetet e tyre luksoze, për vilat e tyre, por nuk burojnë nga puna po nga gjaku i komisarëve të vrarë në këto 30 vjet. Nuk mund të jetë ekspozimi i muskujve në klube, apo hapësira publike, duhet të jetë ferri i tyre. Ju e dini shumë mirë, e dinë shumë mirë pjestarët e RENE-as kanë vënë jetën e tyre në rrezikshmëri dhe janë përballur me krinimelët e rrezikshëm. Janë përballur me xhamat e makinave të blinduara, ata nuk meritojnë të ecin as me gomar se fyejnë gomarin kur ecin sipër. E dimë sesa shumë herë, subjekte të këtij ligji sot, janë hetuar dje, janë çuar nëpër gjykata dhe i kanë nxjerrë gjuhën të gjithë sakrifiace dhe kanë dalë pa i hyrë gjilpërë në këmbër. Jo vetëm ata që janë dënuar por edhe ata që janë akuzuar. Nga nesër duhet të paraqitin provat e biznesit të tyre. Kanë qenë fyese dhe lënduese, ku keni marrë lajmin se ato astete”, u shpreh Rama.
Ndërkohë, ministri Lleshaj u shpreh: “Krimi në përgjithësi dhe ai organizuar në veçanti kanë marrë goditje të mëdha në vitet e fundit. Suksesi afagjatë në luftën kundër kimit lidhet me rrënjët e tij, dhe rrënjët janë me financat e tyre. Ata që janë pjesë e bandave këtë e bëjnë për të fituar para, kjo duhet të shkatërrohet. Paketa anti KÇK, do të merret me pasuritë nga bota e krimit, do ta shkatërrojmë këtë model të shëmtuar. Operacioni forca e ligjit do të zbatohet nga Policia e Shtetit me SPAK. Forca e Ligjit do të ndihmohet edhe nga SPAK. Objekt do të jenë pasuritë e përfituara nga bota e krimit. Policia e Shtetit do të kërkojë burimet, për të gjetur nga rrjedhin pasuritë e tyre, pastaj do të merret prokuroria. Është çështje kohe, zhvillimi i këtij krimi do të ndërpritet, në mos sot do të bëhet nesër. Pasuritë e konfiskuara do të përdoren për shtetin. Një pjesë e aseteve do të vihen në dispozicion të policisë në funksion të modernizimit dhe personelit. Do të godasim krimin e organizuar. Për politikën, korrigjoni shënjestrën, policia nuk mund të jetë tabelë. Për kriminelët, u them tërhiquni nga rruga e krimit për të shpëtuar familjen, kthjellohuni dhe kuptoni se keni përgjegjësi për ata që vijnë pas jush”.
