Presidenti i Republikës, Ilir Meta në prag të ndërrimit të viteve, nuk ka lënë pa kujtuar shkrimtarin e njohur Dritëro Agolli.
Kujtojmë që shkrimtari i njohur shqiptar u nda nga jeta më datë 3 shkurt të vitit 2017, në moshën 85-vjeçare.
Në shenjë respekti dhe vlerësimi për shkrimtarin e madh, Meta ishte për një vizitë në shtëpinë e familjes Agolli.
Në një postim në llogarinë e tij në Facebook, ai shkruan se e kujton me nostalgji Dritëroin tonë të paharruar.
“Me kënaqësi të veçantë ndamë urimet e Vitit të Ri me të shtrenjtën Sadije e familjen Agolli, duke kujtuar me nostalgji Dritëroin tonë të paharruar. Me këtë rast shkëmbyem edhe buqeta: unë një buqetë me lule dhe urime, ajo një buqetë me libra të Dritëroit dhe për Dritëroin.” -shkruan Meta, ku ndan edhe foto nga vizita në familjen Agolli.
