Javën e fundit presidenti Ilir Meta ka qenë në qendër të mediave me daklaratat e tij të bujshme.
Ai ftoi të gjithë shqiptarët në një revoltë më 2 mars, teksa ditën e sotme ka paditur në SPAK ministren e Drejtësisë, Etilda Gjonaj, sekretarin e Përgjithshëm të Ministrisë së Drejtësisë, Gentian Deva dhe drejtoreshën e Qendrës së Botimeve Zyrtare, Etleva Haxhia.
I ftuar në ‘5 pytje nga Babaramo’ mbrëmjen e sotme kreu i shtetit u shpreh se një organizatë ndërkombëtare synon të shpopullojë Shqipërinë.
Sipas tij, kjo organizatë është e lidhur me qeverinë dhe tha se po punon për të zhdukur demokracinë në vend dhe llogaridhënien.
Meta paralajmëroi se ndaj atyre që i quan “puçistë” nuk do të ketë asnjë tolerim.
“Për ata të cilët kërkojnë të zhdukin demokracinë, dhe llogaridhënien, me qëllim që t’ia dorëzojnë një organizate ndërkombëtare që synon shpopullimin e Shqipërisë, nuk do ketë asnjë tolerim. Unë i bindem vetëm vullnetit të popullit dhe të Zotit. Jemi në një përballje finale me puçistët, nuk ka temë më të rëndësishme në Shqipëri. Çdo ditë do të ketë detaje dhe dinamika të reja”, tha Meta.
Kujtojmë se disa ditë më parë në një konferencë të jashtëzakonshme, Meta ka bërë publike fakte të reja për kreun e Këshillit të Emërimeve në Drejtësi Ardian Dvorani, ndaj të cilit ka depozituar edhe një kallëzim penal duke e akuzuar për aktivitet kriminal.
Kreu i vendit tha se do të depozitohet një shtesë në kallëzimin penal ndaj Dvoranit dhe theksoi se atij duhet t’i ndalohet veprimtaria e organizuar kriminale.
Deklaratat e presidentit kanë bërë jehonë edhe në mediat ndërkombëtare:
