Presidenti kinez, Xi Jinping ka paralajmëruar të martën se një luftë tregtare me Shtetet e Bashkuara nuk do të rezultonte me fitues, ka raportuar media shtetërore.
Xi Jinping ka bërë këto deklarata pak para inaugurimit të presidentit të sapozgjedhur amerikan, Donald Trump, në janar.
Gjatë mandatit të tij të parë në Shtëpinë e Bardhë, Trump, ish-president i SHBA-së, e ka intensifikuar luftën tregtare me Kinën, duke akuzuar këtë shtet për vjedhje të pronës intelektuale dhe për praktika të tjera “të padrejta”.
“Luftërat tarifore, luftërat tregtare dhe luftërat teknologjike janë kundër trendëve ekonomikë, rregullave ekonomike dhe nuk mund të ketë fitues”, ka thënë Xi për marrëdhëniet Kinë-SHBA, pas një takimi me krerët e shefave të institucioneve financiare në Pekin.
“Kina ka gatishmëri që të vazhdojë dialogun me Qeverinë amerikane, të zgjerojë bashkëpunimin, të menaxhojë dallimet dhe të promovojë marrëdhëniet Kinë-SHBA në drejtim stabil, të shëndetshëm dhe të qëndrueshëm”, ka thënë Xi.
