Presidenti i socialistëve evropiane, Sergei Stanishev ka uruara kryeministrin Rama për mandatin e tretë. Në një letër publike drejtuar kryeministrit Rama, Stanishev shkruan se në emër të socialistëve evropianë, e përgëzon për fitoren e zgjedhjeve të 25 prillit. Ndër të tjera ai shkruan se socialistët evropian do ta mbështesin në rrugën drejt Bashkimit Evropian. Gjithashtu ai ka shkruar se duke parë rezultatet pozitive të Partisë Socialiste, dëshira e votuesve është shumë e qartë.
Letra e Sergei Stanishev:
I dashur Edi, Në emër të familjes së socialistëve europianë, më lejoni t’ju përgëzoj për fitoren e partisë suaj të dielën e kaluar.
Megjithë kontekstin sfidues të COVID-19, Shqipëria arriti të organizojë zgjedhje të lira, të drejta dhe gjithëpërfshirëse në kuadrin e ligjit të ri zgjedhor dhe kjo është një arritje e vërtetë.
Duke parë rezultatin pozitiv, dëshira e votuesve është e qartë. Qytetarët tuaj duan që ju të vazhdoni të ndiqni rrugën europiane dhe zbatoni programin tuaj social-demokrat.
Gjatë viteve të fundit, qeveria juaj ndoqi reformat e nevojshme për ta bërë Shqipërinë një vend më të mirë për popullin e saj dhe për të vazhduar rrugën për të qenë pjesë e Bashkimit Europian.
Ne do të vazhdojmë t’ju mbështesim në rrugën europiane dhe do të bëjmë më të mirën tonë për të nxitur fillimin e konferencës ndërqeveritare për të hapur negociatat për pranimin. Edhe një herë, pranoni urimet e mia më të ngrohta për këtë fitore.
Me shpresën për t’u takuar së shpejti personalisht. Sergei Stanishev
